Charta da lectur

Adhesium all’UNO: Propaganda da votaziun inacceptabla

Chi disch la varded ? Cussglier federal Deiss: “L’adhesium al l’UNO nun periclitescha in üngün möd al neutralited” (dit traunter oter i’l interview cul Brückenbauer). Il cuntrari disch im gremi dal cussagl federel dal 1981 in sia missiva concernent l’adhesium a l’UNO: “Las sancziuns militaras chal Cussagl da sgürted po stipuler, nun vegnan in dumanda per ün stedi neutrel già our dal simpel motiv, ch’ellas staun in contradicziun cul dret da la neutralited”.

Il vegl cussglier federel Ogi disch: “Cha nus cunterfetschans la neutralited scu members da l’UNO ais simplamaing üna manzögna” ! (giazetta Coop) u i’l servezzan d’Informaziun da l’EU (25.10.01): “La Svizzra permettero al pövel la primavaira 2002 da dezider tres ün referendum, sch’ella vöglia s’unir a l’UNO u brich. Scha quist vain accepto, saro que la fin cun bod 200 ans da neutralited svizzra.”

Tenor il giudicat dal güdisch federel (Settember 2001) nun ais que permiss a la regenza da tratter spüras opiniuns eguelmaing ad ün fat. Uen fat important: I’l vocabulari da l’UNO as tschercha il pled “neutralited” tuottafat invaun.

Cun cordiels salüds Peer Aebersold, Zürich